اضطراب الدوره
  • راضيه
    راضيه
    المواضيع: 1
    المشاركات: 3
    التسجيل: الخميس 28 ديسمبر 2017

    اضطراب الدوره

    بواسطة راضيه » الخميس 28 ديسمبر 2017 05:32:14

    السلام عليكم دكتوره انا تايهه و متبهدله من وقت ما اتقفل المنتدى القديم انا برا مصر و ذهبت اكتر من ٣ دكاتره و محدش افادنى ولا ريحنى انا عندى مشكله من يناير اللى فات و روحت لاكثر من دكتور و لسه محدش عرف السبب السونار و التحاليل مافيهاش مشكله مشكلتى ان بعد الدوره ما بتخلص بيوم او اتنين يبدأ ينزل افرازات بنى و بعدين ينزل دم زى الدوره مره تانيه انا عندى طفرتين هتيرو MTHFR and FVL و عندى اورام ليفيه متعدده فى حجم حبة الأرز فى الجدار الخارجى للرحم المشكله بدأت فجأه بسقوط شديد فى الشعر فى يناير الماضى مع اضطراب الدوره انا طول عمرى بيكون فيه افرازات بنيه قبل الدوره ٥-٧ ايام لكن هذا العام بدأت المشكله ب انتهاء الدوره و تم عمل مسحه من عنق الرحم و تحليلها و الحمد لله لا يوجد مشكله و استخدم اسبرين ١٠٠ يوميآ و الشهر الماضى الدكتور شاف الرجم و المبايض و قال تمام حتى كان فيه بويضات قال ان ممكن يحصل حمل و بدأت الشهر اللى فات اخد دوفاستون مرتين باليوم لمدة عشرة ايام من اليوم ١٧ الى ٢٦ ارجو مساعدتى من اين ابدأ فأنا تعبت

  • د سونيا علي المرسي
    د سونيا علي المرسي
    المواضيع: 3
    المشاركات: 238
    التسجيل: الاثنين 31 يوليو 2017

    بواسطة د سونيا علي المرسي » الخميس 28 ديسمبر 2017 08:39:22

    وعليكم السلام راضية

    معليش علشان سافرت وما كانش فيه نت لمدة اسبوعين

    الطبيعي ان بعد الدورة يعني الدم الاحمر بينزل دم بني لمدة يومين تقريبا

    يعني دم قليل بيتحول الي اللون البني من افرازات المهبل الحمضية

    هل تتم العلاقة قبل نزول الافرازات البيضاء الشفافة؟ لو تتم علاقة ممكن تكون هي السبب في نزول الدم مرة اخري

    والاورام الليفية لو بداخل تجويف الرحم برضه ممكن تكون السبب

    عملتي منظار رحمي؟

    ممكن تكتبي لي الطفرة الاولي بالتفصيل ؟

  • راضيه
    راضيه
    المواضيع: 1
    المشاركات: 3
    التسجيل: الخميس 28 ديسمبر 2017

    بواسطة راضيه » الجمعة 29 ديسمبر 2017 05:35:46

    لا يا دكتور استغفر الله حمدآ لله على سلامتك وربنا ما يحرمنا من حضرتك

    الطفره هى عامل ليدن Factor V Leiden

    لا ما عملتش منظار رحمى

    الاورام فى الجدار الخارجى مش تجويف الرحم

    دكتوره يعنى ممكن فعلآ ان لو حصل علاقه مبكره تكون هى السبب؟

    طب الدم اللى نازل دا منين يعنى المفروض ان بطانة الرحم خلاص نزلت فى الدوره و الدم اللى نازل مش قليل زى الدوره يبقى نازل منين ؟

     

  • د سونيا علي المرسي
    د سونيا علي المرسي
    المواضيع: 3
    المشاركات: 238
    التسجيل: الاثنين 31 يوليو 2017

    بواسطة د سونيا علي المرسي » السبت 30 ديسمبر 2017 07:59:13

    الله يسلمك

    لو كمية الدم زي الدورة يبقي مش من الجماع المبكر ويبقي اضطرابات هرمونية تتعالج بالبروجيستيرون للراغبات في الحمل

    اخر تحليل هرمونات كان امتي؟ ونتيجته ايه؟

    ماشية علي الفوليك اسيد باستمرار؟

  • راضيه
    راضيه
    المواضيع: 1
    المشاركات: 3
    التسجيل: الخميس 28 ديسمبر 2017

    بواسطة راضيه » السبت 30 ديسمبر 2017 10:03:00

    اخر تحليل هرمونات كان الشهر اللى فات نتيجته كويسه الدكتوره قالت كده 

    انا عايزه اسأل عن حاجه هرمون TSH فى يوليو كان حوالى ٢.٥ و شهر نوفمبر ١.٥ هو ممكن يكون فرق كتير كده ؟ 

    اصل انا بافكر انى افحص الغده الدرقيه 

    علشان اللخبطه دى فى الدوره و كمان بداية لخبطة الدوره كان معاها سقوط شديد فى الشعر لكن الحمد لله سقوط الشعر بقى عادى دلوقت 

    كمان الطفره بتعمل لخبطه فى البروجستيرون و الاستروجين انا قريت كده على النت فى مواقع اجنبيه

    انا مستمره على الميثيل فوليت و الميثيل كوبال امين علشان الطفره مش باخد فوليك أسيد 

  • راضيه
    راضيه
    المواضيع: 1
    المشاركات: 3
    التسجيل: الخميس 28 ديسمبر 2017

    بواسطة راضيه » السبت 30 ديسمبر 2017 12:23:20

    إقتباس

    اخر تحليل هرمونات كان الشهر اللى فات نتيجته كويسه الدكتوره قالت كده 

    انا عايزه اسأل عن حاجه هرمون TSH فى يوليو كان حوالى ٢.٥ و شهر نوفمبر ١.٥ هو ممكن يكون فرق كتير كده ؟ 

    اصل انا بافكر انى افحص الغده الدرقيه 

    علشان اللخبطه دى فى الدوره و كمان بداية لخبطة الدوره كان معاها سقوط شديد فى الشعر لكن الحمد لله سقوط الشعر بقى عادى دلوقت 

    كمان الطفره بتعمل لخبطه فى البروجستيرون و الاستروجين انا قريت كده على النت فى مواقع اجنبيه

    انا مستمره على الميثيل فوليت و الميثيل كوبال امين علشان الطفره مش باخد فوليك أسيد 

    اه نسيت اقول لحضرتك انا فطمت من الرضاعه فى شهر مايو اللى فات و اللخبطه بدأت قبل ما افطم بدأت من يناير و البرولاكتين حوالى ١٠ يعنى مش عالى 

  • د سونيا علي المرسي
    د سونيا علي المرسي
    المواضيع: 3
    المشاركات: 238
    التسجيل: الاثنين 31 يوليو 2017

    بواسطة د سونيا علي المرسي » الأحد 31 ديسمبر 2017 06:17:17

    ايوه هو بيتغير في اليوم الواحد واقل حاجة في الطبيعي 0.4

    اللي اعرفه ان الطفرة تؤثر علي تجلط الدم مش الهرمونات ممكن تبعتي اللينك اللي شفتي فيه المعلومة دي؟

    اي واحدة بترضع ممكن الدورة تلخبط معاها