تشخيص حمل خارج الرحم (المرة الثانية)
  • Huda
    Huda.A
    المواضيع: 1
    المشاركات: 2
    التسجيل: الأحد 1 أكتوبر 2017

    تشخيص حمل خارج الرحم (المرة الثانية)

    بواسطة Huda » الأحد 1 أكتوبر 2017 02:56:55

    السلام عليكم دكتورة 

    ارجو تساعديني في الاجابة لاني قلقانة جدا ومش لاقية اي دكتور خبير في الحمل خارج الرحم في المدينة اللي اقيم فيها حاليا 

    اولا انا كنت متزوجة من ٣ سنوات وحملت من اول شهر طبيعي وخلفت بنتي ربنا يحفظها وبعدها انفصلت بعد ولادتها مباشرة .. وبعدين تزوجت حديثا من زوجي الحالي من ٣ شهور تقريبا .. في اول شهر حصل حمل بردو وكنت اظن انه طبيعي ومكنش في اي مشاكل لحد ما فجأة جالي وجع شديد جدا في الجانب الايمن من تحت ونقلت المستشفى وكنت في مصر وتم التشخيص عن طريق التحليل الهرموني والسونار بالحمل خارج الرحم في الانبوب اليمين وتمزقه ودخلت عمليات مباشرة وتمت ازالة الحمل والانبوب كله والحمدلله

    الدكتور قاللي انه تأكد من سلامة الانبوب الشمال واني ممكن احمل عادي من الشهر القادم .. واني مش ممكن استخدم اي وسائل منع حمل هرمونية وممكن فقط زوجي يستخدم الكاندوم .. فمنعت شهر وجت الدورة عادي والشهر الحالي حاولنا الحمل تاني .. ومن وقت ماتم التلقيح كنت بلاحظ وجع خفيف زي الشد كدا في الجنب الشمال من تحت بيروح ويجي على مدار الايام اللي فاتت .. لحد ما جه معاد الدورة فروحت عمل تحليل هرموني وطلعت النتيجة 16.6

    والدكتورة طلبت اعادة التحليل تاني وقالت ان النسبة دي قليلة جدا بالنسبة لوقت سحب العينة في موعد الدورة

    انا دلوقتي مش عارفة اعمل ايه يا دكتورة خصوصا انها رافضة تعمللي سونار دلوقتي رغم الوجع اللي في الشمال وقلقي الشديد ان يكون في حمل تاني خارج الرحم وان لازم اتابع واشخصه بدري عشان نعالجه بدون عملية

    رأي حضرتك ايه وتنصحيني اعمل ايه وهل اصبر اكتر يمكن يبان ان الحمل دا طبيعي ولا كدا ممكن يكون مش طبيعي .. انا مستغربة بس لان الدكتور اكدلي بعد العملية ان الانبوبة التانية سليمة

  • د سونيا علي المرسي
    د سونيا علي المرسي
    المواضيع: 3
    المشاركات: 201
    التسجيل: الاثنين 31 يوليو 2017

    بواسطة د سونيا علي المرسي » الأحد 1 أكتوبر 2017 03:11:16

    وعليكم السلام هدي

    طالما التحليل اقل من الف يبقي قلقانة ليه؟

    ممكن يتعالج بدون جراحة بالملاحظة فقط ومتابعة تحليل الحمل الهرموني كل 48 ساعة

  • Huda
    Huda.A
    المواضيع: 1
    المشاركات: 2
    التسجيل: الأحد 1 أكتوبر 2017

    بواسطة Huda » الأحد 1 أكتوبر 2017 03:21:34

    اصل في المرة اللي فاتت كان التحليل 360 بس رغم تضخم الانبوبة وتمزقها والدكتور كان مستغرب ازاي صور السونار مش متلائمة مع رقم التحليل لانه المفروض كان يبقى معدي 1000 في الحالة دي

  • د سونيا علي المرسي
    د سونيا علي المرسي
    المواضيع: 3
    المشاركات: 201
    التسجيل: الاثنين 31 يوليو 2017

    بواسطة د سونيا علي المرسي » الاثنين 2 أكتوبر 2017 07:04:27

    حاليا لم يتم تشخيص شئ يا هدي بس تابعي تحليل الحمل الهرموني وان شاء الله خير

  • Huda
    Huda.A
    المواضيع: 1
    المشاركات: 2
    التسجيل: الأحد 1 أكتوبر 2017

    بواسطة Huda » الاثنين 2 أكتوبر 2017 09:50:19

    جزاك الله خيرا يا دكتورة ..

    حاليا طلعت نتيجة التحليل التاني 58.8 بعد 72 ساعة من النتيجة الاولى اللي هي 16.6 وبعد مرور 4 ايام على غياب الدورة ..

    بكرة هسحب عينة التحليل التالت اللي هتكون بعد 72 ساعة بردو من النتيجة التانية ..

    هل الزيادة دي طبيعية في رأي حضرتك ؟

    وكنت قرأت موضوع الحمل خارج الرحم هنا في الموقع وحضرتك ذكرتي ان نسبة الحمل خارج الرحم 45% طالما ان الهرمون اقل من 1000 .. طيب ممكن اعرف في الاسبوع الكام المفروض يكون 1000 طبيعي وشكرا جزيلا لحضرتك

  • د سونيا علي المرسي
    د سونيا علي المرسي
    المواضيع: 3
    المشاركات: 201
    التسجيل: الاثنين 31 يوليو 2017

    بواسطة د سونيا علي المرسي » الاثنين 2 أكتوبر 2017 12:56:26

    طبيعية الرينج بتاع نسبة هرمون الحمل واسع جدا